GEGURITAN (Puisi jawa)

GEGURITAN

Ringkesan

       Geguritan iku puisi Jawa gagrag anyar kang ora kaiket dening paugeran tinamtu. Cacahe larik, cacahe wanda, cacahe pada, tembung - tembung kang dipilih, lan surasane kabeh merdika utawa bebas. Gumantung net atine kang nggurit. Ana kang nganggo lelewane basa (gaya bahasa) tinamtu, uga ana kang biasa - biasa wae. 

A. Maca lan nanggapi isine teks geguritan sarta niteni perangan - perangane 
        Supaya bisa nemoake isine geguritan bisa dilakoni kanthi cara ing ngisor iki :

1. Maca kanthi premati, yen prelu dibolan - baleni.
2. Ngatekake ubungane larik siji lan sijine, banjur menehi tandha ngaso(/) utawa sigeg(//).
3. Golekana tegese tembung - tembung kang angel utawa aneh. Bisa tegese lugu, entar, utawa lambang.
4. Golekana pesen utawa amanat kang dikarepake dening panggurite.
5. Tambahana tembung utawa wanda saengga ukarane bisa cetha lan bisa ditemokake karepe. 

       Menawa cara - cara kasebut wis kolakoni, mesthi bisa kotemokake isine geguritan. Kanthi mentes, apik, endah, mengkono, para siswa banjur bisa menehi panemu. Panemu iku bisa setuju (sarujuk), bisa ora setujuh, bisa nyengkuyung, lan bisa uga menehi panemu kang sipate kosok balen (berlawanan).

Apa Bedane 

dening Sudi Yatmono

Apa bedane prosa karo puisi

bedane ana ati

apa bedane ati karo gori

bedane mung prakara bumbune

bedane apa bumbune karo sing dibumboni

bedane rak mung ana ing wadhah

apa bedane wadhah karo sing diwadhahi 

kuwi rak mung akal pokal gaweane manungsa

lha apa bedane manungsa karo kean

ah iku urusanne Pangeran

(Mbangun Tuwuh, angka 38)

B.  Nemokake tuntunan kang dikandhut ing teks geguritan lan njumbuhake karo kahanane bebrayan

      Geguritan iku umume digawe dening panggurite kanggo nuduhake rasa marang kahanan. Ana kang nggambarake rasa bungah, rasa sedhih, nggrantes, utawa malah nggambarake rasa serik kang kepati - pati marang kahanan. Mula saka iku, lumantar geguritan pamaca bisa namokake tuntunan kang gegayutan karo kahanan.

C. Nulis geguritan nggunakake ragam basa kang jumbuh utawa cocog karo konteks lan pranatan utawa aturan 

      Kaya kacetha ing ngarep menawa nulis geguritan iku merdika. Supaya ana gondhelan , prelu kogatekake bab - bab kaya mengkene.

• Ora kaiket dening aturan utawa pranata guru gatra, guru wilangan, guru lagu, sapanunggale.
• Ngutamakake isi kang mentes, apik, endah, lan becik.
• Bisa nggunakake lelewane basa (purwakanthi, baliswara, saroja, entar, lan sapanunggale).
• Isine bisa pitutur, piweling, kritik, protes, myimdhir, nggresah, pamundhut, lan sapanunggale.

Sumber :Gegara Nyinau Basa Jawa 3 Kelas XII SMA/SMK/MA